Dagoeneko 3 eurotan eros daiteke hiriko hainbat dendatan
Buruzagien Batzordeak eta Alardearen Batzordeak azken urteetan ohi izan den bezala egutegiaren edizio berria prestatu dute, Quique Escalante Memorialeko argazkien aukeraketarekin egindakoa. 2020ko egutegiak diseinu modernoa dauka, iazkoaren antzekoa, txuri, beltz eta gorri koloreetan oinarrituta. Irudien tamaina inoiz baino handiagoa da, memorialaren XIII. edizioan parte hartu eta aukeratu diren 24 argazkiei protagonismo handiagoa emanez. Hilabete bakoitzeko bi argazki hautatu dira eta, besteak beste, lehiaketaren irabazleak ikus daitezke: lehen hiru sariak, Danborrada, Ama Shantalen eta Real Unionen sari bereziak eta Gazteria saria.
Iñaki Goikoetxearen hitzetan, Alardearen komunikazio batzordearen arduraduna, “egutegiak geroz eta interes gehiago jasotzen dituzte eta jada salgai daude. Gainera Alardea finantziatzeko iturri bat da”. Diseinuaren aldetik azaltzen du “argazkiei garrantzia gehiago ematen zaie, irudiak urtean zehar lagun ditugularik”.
1.800 ale argitaratu dira eta dagoeneko 3 eurotan Irungo hainbat dendatan eros daitezke. Honako hau da zerrenda osoa: