LAURA PRADOK IRABAZI DU BOTOA BETETZEAREN 500. URTEURRENEKO ARGAZKI LEHIAKETA BEREZIA
2022(e)ko Abenduak 14
ALARDEALDIA ITZULIKO DA BAZKARI ETA AFARIEN ZOZKETAREKIN
2023(e)ko Apirilak 4
LAURA PRADOK IRABAZI DU BOTOA BETETZEAREN 500. URTEURRENEKO ARGAZKI LEHIAKETA BEREZIA
2022(e)ko Abenduak 14
ALARDEALDIA ITZULIKO DA BAZKARI ETA AFARIEN ZOZKETAREKIN
2023(e)ko Apirilak 4

Lehenengo edizioko gaia Arrankada izango da

Irungo San Martzial Alardeko Buruzagien Batzordeak, gazteen eta helduen artean literatura-sorkuntza sustatzeko asmoz, 2023ko Kontaketa laburren I lehiaketa deitzen du.

Azken urteotan San Martzial Alardearen historia eta Alardea ezagutarazteko formatu berriak sortzeko lanean ari den Kultura Sailak lehiaketa berri honen aldeko apustua egin du. Martxoan eta apirilean, lehiaketa berri honek protagonismoa izango du gazteen eta helduen artean. Lanek Arrankadara bideratuta egon beharko dute, benetako edo fikziozko istorioekin.

OINARRIAK:

PARTE-HARTZEA: Edozein helduk ahal izango du lehiaketan parte hartu, baldin eta lehiaketa hau argitaratzen den egunean 18 urteak beteak baditu.

GAIA: Lehen aldi honetan, Arrankada izango da Gaia. San Martzial Alardearekin eta jaiekin loturiko egiazko kontaketak eta fikzio-lanak hartuko dira aintzat (gogoetak, saiakerak edota pasadizoak).

LANEN EZAUGARRIAK, FORMATUA ETA AURKEZPENA: Lanak jatorrizkoak eta argitaratu gabeak izango dira. Partehartzaile bakoitzak bi kontaketa aurkeztu ahal izango ditu, gehienez, eta euskaraz zein gaztelaniaz ahalko dira idatzi. Kontaketek 300 eta 500 hitz arteko luzera izango dute (izenburua barne). 12 tamainako Arial hizkiarekin eta 1,5 lerroko lerroartearekin.

Posta elektronikoz bidaliko dira, honako helbide honetara: kultura@alardedeirun.com Mezuaren “gaian”, hala idatziko da: “KONTAKETA LEHIAKETA”, eta bi fitxategi erantsiko dira:

1 – Kontaketa bera, PDF formatuan. Fitxategi honek izen hau izango du “KONTAKETA-Kontaketaren izenburua”.

2 – Partehartzailearen datuak, PDF formatuan ere bai: Izen-deiturak, adina, NAN zenbakia, helbide elektronikoa eta telefono zenbakia. Fitxategi honek izen hau izango du “DATUAK-Kontaketaren izenburua”.

LANAK ONARTZEKO EPEA: Adierazitako ezaugarriak betetzen diren proposamenak besterik ez dira aintzat hartuko, beti ere 2023/04/05eko 23:59ak baino lehen bidaliz gero kultura@alardedeirun.com helbidera.

SARIAK: 1go saria: 250€; 2. saria: 150€; eta 3. saria: 100€. Egile batek ez du sari bat baino gehiago irabazterik aukera izango.

EPAIMAHAIA: Epaimahaia San Martzial Alardeko Agintarien Batzordeak izendatuko du, eta kulturarekin loturiko jendeak osatua izango da. Epaimahaiak oinarri hauetan jasota ez dauden kasuak interpretatzeko eta erabakitzeko eskumena izango du.

SARIAREN BALORAIOA ETA EPAIA: Aurkezturiko lanen originaltasuna eta kalitatea hartuko dira aintzat, bai eta proposaturiko gaiarekiko egokitasuna ere. Epaimahaiak beretzat hartzen du sariak eman gabe uzteko eskumena, baldin eta aurkezturiko lanek gutxieneko kalitaterik ez dutela baleritzo. Epaimahaiaren erabakia apelaezina izango da.

OHARRAK:

  • Lehiaketa honetan parte hartzeak berarekin dakar oinarriok onartzea, bai eta Irungo San Martzial Alardeko Buruzagien Batzordeari aurkezturiko testuen gaineko eskubide guztiak dohain ematea ere, hala nola erreproduzkio grafikoa, audio-grabazioa edo irrati-lokuzioa, edota jendaurrean erakusteko, zabaltzeko, itzultzeko eta dibulgatzeko; egileen izen-deiturak emanez, beti ere.
  • Parte-hartzaileak erantzule dira Irungo San Martzial Alardeko Agintarien Batzordea Elkartearen aurrean aurkezturiko kontakizunaren originaltasunaz eta egiletzaz, eta erantzukizun osoa hartzen dute beren gain, Elkartea salbuetsiz hirugarren batek egin lezakeen zeinahi helegiteren aurrean.
  • Oinarri hauetako edozein urratzen duten proposamenak lehiaketatik kanpo geldituko dira.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies