ALARDEKO JUNTAREN ADIERAZPENA
2026(e)ko Martzoak 24
Karguan Asier Etxepare Iza ordezkatuko du
Javier García Nieto, 56 urtekoa, aukeratu dute San Martzial Alardeko Jeneral berria, ostegun honetan, 2026ko martxoaren 26n, unitate buru eta kapitainek egindako bileraren ostean. Gehiengoak konfiantza erakutsi diote arduradun nagusi berriari. Asier Etxepare Iza, San Martzial Alardeko Jenerala 2024 eta 2025 urteetan, ordezkatuko du.
García Nieto lehen aldiz 1986an atera zen Olaberria Konpainian eta erredoblea eta eskopeta txandakatu zituen 2014ra arte. Gero alfereza izan zen 2015 eta 2016an, tenientea 2017 eta 2018an eta 2019. urtetik aurrera Olaberria Konpainiako kapitaina izan da. 2021. urtetik gaur egunera arte Buruzagien eta Alardeko Batzordeen idazkaria izan da.
“Inplikatutako alderdi guztien erantzukizuna eta konpromisoa”
San Martzial Alardeko Jeneral berriak Alardearen arduradun nagusia izateak dakarren “erantzukizuna” azpimarratu du, eta aldi berean, “gure arbasoekiko eta Irungo Herriarekiko ohorea eta konpromisoa” dela gaineratu du. Zentzu horretan, “denok batera Alardearen alde lan egiteko unea da”, 2026ko San Martzial Alardea Aurrera ateratzeko “inplikatutako alde guztien erantzukizuna eta konpromisoa” aipatuz.
Data handiei dagokienez, García Nietok “gure San Martzial Alardearen alde erlijiosoaren garrantzia” azpimarratu du. “Botoa da San Martzial Egunaren ardatz nagusia eta San Pedro Eguneko Meza Nagusia ere nabarmendu nahi dut. Gainera, berezia izango da nire konpainia, Olaberria, ikuskatzea”.
