AGINTARIEN BATZORDEAK SAN MARTZIAL ALARDEKO JENERALA HAUTATZEKO PROZESUA IREKI DU

Joan den otsailaren 10ean Asier Etxepare Iza San Martzial Alardeko Jeneralak dimisioa eman ondoren, Agintarien Batzordeak datozen lau urteetarako Jenerala aukeratzeko prozesua ireki du.

Ordenantzak 48. artikuluan ezartzen duen bezala, idazkari eta kapitain edo unitateburu gazte eta zaharrenak osatutako hauteskunde-mahaia, ostiral honetan, martxoak 6an, formalki eratu dena, izango da aurkeztutako hautagaitzak jaso eta berrikusiko dituena, eta horiek martxoaren 7tik 16ra bitartean jaso ahal izango dira.

Hautagaitzak baliozkotu eta aurkaratzeak ebatzi ondoren, egonez gero, martxoaren 26an San Martzial Alardeko Jeneral berria hautatuko da.