ARTXEROEN ESKUADRAREN HISTORIA

Gutxienez 1881eko Alardeaz geroztik hartzen du parte. Kantinerarik ez duen konpainia bakarra da. Bere egitekoa bidea irekitzea da; horregatik eramaten dituzte aizkorak, pikatxak, palak, etab...

Infanteriako konpainietan ez bezala, horietan kapitainak agintzen baitu, hemen artxeroen kaboaren aginduetara daude.

Lehenak dira San Martzial Alardearen desfilean; arrankada deiarekin batera, kaboa bat-batean biratzen da, eta San Juan plazarara heldu arte unitate eta konpainia guztiek jarraituko duten pausoa markatzen du.

Artxeroen eskuadran sartu ahal izateko 21 urte beteak izan behar dira eta gutxienez metro bat eta laurogeita zazpi zentimetro neurtu.

1937an, artxeroek eta kantinerek Donostiako Pilotaleku Modernoan desfilatu zuten, 1936ko sutearen ondoren Irunen alde egin zen jaialdi batean.

1939an, Espainiako Gerra Zibila bukatutakoan, artxeroen eskuadrak hiru aldiz desfilatu zuen; ekainaren 30ean, zeinean goizeko ibilia egin zuen; uztailaren 11n, Franco Irunera etorri zenean; eta uztailaren 18an, Altxamendu Nazionalaren ospakizuna zela eta.