JENERALA

Alardeko buruzagi nagusia Jenerala da, erabat etiketaz jantzirik, galtza eta frak beltzak, borla urreztatuzko gerriko gorria, eskularru zuriak, espolinak dituzten zaldiz ibiltzeko bota beltzak eta adarbikoa edo bi puntako kapera beltza, eta gainera, agintari-makila eskuetan, antzinako Gipuzkoako alkateek bezala.

1924rarte egungo Jeneralaren kargua alkateari egokitzen zitzaion; izan ere bazen foru agindu bat esaten zuena tropak udaleko lehen agintariaren esanetara egongo zirela eta, horregatik, alkateak egiten zuen armen ikuskapena. Irungo alkate Lope de Irigoyen, Peña de Aldabeko batailan parte hartu zuena bera, izan zen hurrengo urtean, 1523an, bataila hori gogoan izateko, lehen “Alardea”ren buruan jarri zena. 1924tik aurrera Jenerala Irungo Udaleko ordezkariek hautatu izan dute osoko bilkuran eta hiriko lehen alkateordeak proposatuta. Gaur egun Jenerala lau urterako hautatzen du Buruzagien Batzordeak.